يقدر تكون الكومبا بصح.. ايلون ماسك كيوجد راسو لمارك زوكربيرگ

واخا مزال ماعرفناش التفاصيل النهائية ديال الكومبا، او واش غاتوقع بالصح ولا لا،  ايلون ماسك باينة ناوي على خزيت و بدا كيوجد راسو للمعركة لي باغي يدير مع مارك زوكربيرغ، لجأ لبعض المدربين من بينهم “جورج سانت بيير” المقاتل الأسطوري.

مارك وايلون باغين يديرو لكومبا وسط قفص ديال الحديد، و مؤخرا ليكس فريدمان لي معروف بزاف على انه عالم كمبيوتر ، بودكاستر ، وباحث ذكاء اصطناعي. قال أنه دار جلسة تدريبية مع ماسك وعجباتو المهارة والقوة ديالو.

مارك و ايلون ماشي محترفين فالقتال، اذن مايمكنش نتحاسبو مع هم على لكومبىا واش مزيانة ولا لا، ولكن غالبا كاتبقا حاجة صعيبة واحد بيليونير يتقبل الخسارة فكومبا مع واحد بيليونير منافس ليه،  ماخاصناش نتصدمو ادا عمرها وقعات.